Tag Archives: FORA ISCORIA NUCLEARE
FORA ISCORIA NUCLEARE
Sa poetessa in limba sarda MADDALENA FRAU contra a sas iscorias nucleares at iscritu custa poesia
FORA ISCORIA NUCLEARE
Fora iscoria nucleare
de venenu colorida!
Fora, atesu, mai in sa vida
muntonarzos de nuscare!
Sa Sardinna a la sarvare
est mutinde totu unida!
Est s’iscoria nucleare
de su mundu àliga fea.
Fora de sa terra mea
si la depent interrare
o, si nono, apicare
a su tzugu a vida intrea.
Cussos macos e tinzosos,
chene anima nen coro,
si l’abbratzent su tesoro,
che lingotos pretziosos,
sos bidones putzinosos
a pudire in dom’issoro!
Zai chi totu ant impestau
distruinde sa Natura,
sa moderna butadura
si la tenzant a costau,
a tzimentu fravigau
in sa domo a s’ intradura.
Cherent fagher de Sardinna
muntonarzu natzionale…
regalande unu mortale
crancu ’e vida prus indinna
a sa nostra terra dinna
de bellesa e de gabbale.
No lis bastat su chi ant fatu
in cuddu tempus colau!?
Brusiau e isbuscau…
Cantu dannu e disacatu
pigandeche su recatu
de su populu isfrutau! ….
totu no-che sunt leande
su terrinu e sa salude…
sa betzesa e zobentude…
A zogu nos sunt pigande.
Pesae totus cantande
a difender sa salude!
E sos amministradores
no atzètent cosa gai!
In Sardinna mai mai!…
Solu matas e fiores
e profumos e colores
in sa terra de mannai!…
A sas Istitutziones
de Guvernu Italianu
lis pedimus una manu
de rispetu a sas pessones
de sas generatziones
de su populu isolanu.
A sos sardos un’apellu
cun corazu cherzo dare:
fortemente a refudare
de nos ponner a tropellu
che a bestias de masellu
prontos a no-che papare.
Fortes, cun coro galanu,
iscritores, zornalistas,
cun poetas e artistas
ischidae a su manzanu…
A s’ingannu rufianu
aberìe sas pibiristas!
Si nde peset su Nuraghe
cun Zigante ’e Monte ’e Prama,
de Sardinna antiga fama,
narande:-Cherimus paghe!
Rezistrae in su condaghe:
“Fora iscoria dae Mama!
Fora, atesu sos bidones
de cuss’aliga de morte!
Fora de sa nostra corte
fragos de perditziones!
Fora iscorias e cannones,
e de imbentos de morte!”-
Sardos, amigos, cantade
disterrados cun amore
pro difender cun ardore
cudda sarda dinnidade,
de Sardinna identidade,
de cultura e de valore!
Fora, atesu fuliade
sas iscorias de dolore!
Sa Sardinna est de mirare!
Non si vendet pro dinare!!!
Sa Sardinna est de mirare!
Fora iscoria nucleare!
de MADDALENA FRAU
________________________________
APPELLO AGLI INTELLETTUALI SARDI
La probabile scelta della Sardegna come sito e deposito nazionale della scorie nucleari pone inquietanti e drammatici interrogativi e problemi
La nostra Isola, per decenni è stata utilizzata come stazione di servizio per industrie nere e inquinanti che hanno devastato il territorio, inquinato l’ambiente e sconvolto antropologicamente la popolazione sarda. Senza peraltro apprezzabili “ritorni” dal punto di vista occupazionale ed economico, perché “Issos si pigant su ranu e a nois lassant sa palla”.
Ancora oggi è base e servitù militare per operazioni che niente hanno a che spartire con gli interessi e i bisogni dei Sardi: anzi, la loro presenza – che sequestra cospicue porzioni del nostro territorio, sottraendolo a usi civili e produttivi – inquina e minaccia la nostra vita e la nostra salute.
Aggiungere alla Sardegna una ulteriore servitù con il deposito di scorie nucleari sarebbe un colpo definitivo e in ogni caso mortale alla possibilità che l’Isola imbocchi la rotta della prosperità e del benessere attraverso uno sviluppo ecocompatibile, endogeno e identitario, che rompa finalmente con la spirale del sottosviluppo e del malessere.
Per questo invito gli intellettuali, gli scrittori, i giornalisti, gli artisti sardi liberi, perché si oppongano a questo disegno insano e ingiusto del Governo italiano, mobilitandosi e partecipando attivamente alle iniziative del Comitato no scorie e a tutte le lotte in grado di bloccarlo.
Francesco Casula
——————————————–
AService Studio